Formasaun ba Formadór sira "Farmers Field School (FFS)" ka Eskola Kampu ba Agrikultor iha Timor-Leste.

Farmers Field School (FFS) nudar fórum ida ba agrikultor no fasilitadór sira hodi debate kona-ba buat sira haree no observa iha sira nia toos, sira nia esperiénsia no aprezenta informasaun foun ne'ebé hetan husi Fatin.

Objetivu prinsipal husi formasaun ne'e atu fó formasaun ba formadór sira ne'ebé maka iha motivasaun atu hola parte hadia kualidade sistema agrikultor. Ajuda hasa'e agrikultor nia matenek kona-ba kuda aihorisno halo jestaun ba sira nia toos liuhusi aprende hamutuk ho agrikultor sira seluk ho baze iha sira nia esperiénsia rasik iha kampu. Halo Agrikultor sira sai espesialista iha sira nia toos rasik.

Iha modulu 4 ne'ebé agrikultor no fasilitadór sira sei aprende mak hanesan:

1. Treinamentu CSA/CA - Prespetiva kona-ba halo toos tuir Prátika Tradisional iha Timor-Leste. "Lere no Sunu" husi fatin ida ba fatin seluk hodi halo toos.

2. Treinamentu kona-ba CSA/CA Konservasaun Agrikultura (CA) - Modelu CA ne'ebé promove ona iha Timor-Leste & Sistema halo toos tuir prátika CA Indíjena.

3. Treinamentu kona-ba CSA/CA Konservasaun Agrikultura (CA) - Oinsa Konservasaun Agrikultura Funsionál?

4. Treinamentu kona-ba CSA/CA Konservasaun Agrikultura (CA) - CA nia benefísiu ba agrikultor sira.

Ba maluk sira ne'ebe interse hakarak atu hetan informasaun no hetan Treinamentu kona-ba Formasaun ba Formador "Farmers Field School" bele kontaktu mai iha Rede Feto Timor-Leste liu husi nu. 3312841 ka email: redefeto@yahoo.com