Rede Feto Timor-Leste, Kuarta feira (27/07), realiza enkontru inisiu ho Embaixada CANADA liu husi projeitu Haforsa Partisipasaun Feto iha vida politika iha Eleisaun Parlamentár, Nivel Suku no Nasional ne’ebe sei implementa husi Organizasaun membrus OPMT no Fundasaun ALOLA Iha Munisípiu Ermera no Bobonaro.

Objetivu sorumutu ne’e atu hasa'e partisipasaun polítika feto Timor-oan iha eleisaun parlamentár, no eleisaun nivel suku iha tinan 2023. Hasa'e koñesimentu feto potensiál kona-ba direitu feto, lei no konvensaun sira ne'ebé relasiona ho eleisaun, Hasa'e apoiu komunitáriu ba feto Timoroan atu partisipa ho efetivu iha eleisaun parlamentár no suku

Prezidente Konsellu Diretoria Rede Feto TL Sra. Zelia Fernandes, akresenta involvimentu feto iha vida politika sai asuntu inportante iha plataforma advokasia Rede Feto Timor-Leste nian, Hodi konsidera feto potensial nia partisipasaun atu kompete iha elisaun no konsidera balansu jeneru.

Koordenadora fundu Kanada (CFLI) Sra. Jessica Chang hateten rekejitus sira liga ho prosesu relatoriu narativu, finansas, no advokasia, tenki konsidera hanesan parseiria presiza valoriza feto iha asaun hotu liu-liu oinsa mak feto petensial bele iha kunesimentu, kapasidade atu bele konsidera no valoriza malu hodi haforsa Partisipasaun Feto.

Programa ne'e, Rede Feto Timor-Leste bele realiza ho apoia finansiamentu hosi Embaixada CANADA.