Rede Feto Timor-Leste, Kinta Feira (28/07) realiza treinamentu ba Treinadores ba fasilitadores hosi organizasaun membrus AUFD, Esperansa no MANEO neébé sai nudar implementador ba projeitu Auditoria Siguransa ba Feto.

Objetivu prinsipál husi treinamento ne ’e haklean koñesimento Membrus Rede Feto konaba Halibur no kompila dadus bazeia ba evidénsia, aprendizajen kualitativu, sujestaun no rekomendasaun sira kona-ba barreira ba feto no labarik feto iha fatin públiku.

Treinamentu ne’e nudar mos referensia ba Membrus Rede Feto atu dezenvolve rekomendasaun advokasia polítika no asaun bazeia ba evidénsia hodi hadia prestasaun servisu no infraestrutura públiku atu prevene no responde ba VAWG hodi identifika lakuna sira iha servisu bazeia ba rezultadu auditoria nian

Prezidente Konsellu Diretoria Sra. Zelia Fernandes hatete formasaun ne’e importante tebes antes atu hahu implementa programa auditoria siguransa ba feto. Tan neé husu ba fasilitadores sira neébé partisipa atu aproveita didiak hodi hatene konaba oinsa identifika no rekolha informasaun sira hodi elabora materia advokasia ne’ebé bele responde ba siguransa feto nian.

Programa ne’e Rede Feto Timor-Leste realiza ho apoiu husi UN Women Timor-Leste