Membru RFTL

I. Istoria badak Fundasaun Alola

Fundasaun Alola mak organizasaun não governamental ne’ebe funda husi Dr. Kristy Sword Gusmão, ex-primaira dama Timor-Leste, organizasaun ida ne’e harii iha tinan 2001, ho lema maka “Feto Forte nasaun forte”. Harii ho objetivu atu ajuda feto no labarik iha Timor hodi asesu ba infomasaun, rekursus no servisu ne’ebe sira presija atu hatan moris saudavel.

Istorikamente, organizasaun ida ne’e kria atu aumenta konsensializasaun konaba violensia seksuais kontra feto no labarik feto iha Timor-Leste durante atake militar Indonesia iha fulan Setembru tinan 1999. Fundasaun nia naran foti husi Juliana “Alola” dos Santos, hanesan foinsa’e feto ho tinan 15 ne’ebe hetan violasaun sexual brutalmente no lori nia ba Indonesia (Timor Osidental) durante funu. Estabeles organizasaun ho naran naran Alola atu fó ondra ba foinsa’e feto Alola, ne’ebe lider militar naok iha fulan Agustu 1999 iha tempu konsuta popular. Sira lori nia hanesan trofu funu nia atravesa fronteira ba Timor-osidental, no agora nafatin iha ne’eba. Ho nia istoria tristeza ida ne’e, sai hanesan simbolu luta ba paz no dignidade feto timorense, nune’e Dr. Kriste deside utiliza Jualia nia naran estimada Alola ba hanaran Fundasaun Alola.

II. Visaun no Misaun oranizasaun

Visaun :

Feto Timor-Leste iha estatus hanesan iha aspetu hotu-hotu moris nian (Asesu, partisipasaun, papel atu foti dezisaun no enjoyment of benefit), atraves edukasaun, empoderamentu ekonomia no lideransa komunitaria.

Misaun : Promove Direitu Feto nian no hasa’e kapasidade lideransa Feto no labarik; melhora saude ba inan no labarik; hasa’e asesu no edukasaun kualidade ba feto no labarik; fortalese empresas kiik feto sira nian.

III. Programa

Fundasaun Alola iha programa prinsipal haat (4):

1. The Maternal and Child Health Program (MCH), ne’ebe estabelese iha tinan 2003 atu responde ba nesesidade saude inan no labarik iha Timor-Leste. Ho tarefas atu promove susu-ben exklusivu no hala’o pratika fo susu-ben atraves instrusaun National Breastfeeding Association no Ministeriu Saude, atividade MCH ne’e espande luan ona iha Timor-Leste.

2. The Education and Literacy program (Programa Edukasaun e alfabetizasaun), programa ida ne’e nia objetivu ba desenvolvimentu kapasidade hodi espande oportunidade ba feto liu husi aumeta asesu no kualidade ba edukasaun ba feto no labarik sira iha Timor-Leste. Programa ida ne’e servisu no kria relasaun besik ho Ministerio da Edukasaun nomos organizasaun nasional no internasional sira ne’ebe preokupa hodi hadia sistema edukasaun. Staff Alola melhora ona metodolojia ba pratika hanorin no aprendisajen, o treinamentu ba hanorin sira, no desenvolve rekursus hodi promove numeramentu no alfabelizasaun.

3. The Advocacy Program (Programa Advokasia), mak programa ida ne’ebe halao edukasaun publika, investigasaun no halo promosaun ba direitu feto ho objetivu promove kuadrus juridikus ne’eb erefleta ba feto nia direitu no promove feto ho abilidade hodi okupa pozisaun lideransa.

4. The Economic Development Program (Programa desenvolvimentu Ekonomia), mak programa ne’ebe oferese oportunidade ba feto sira iha Timor-Leste hodi partisipa iha vida ekonomia liu husi negosiu kiik, grupu koperativas de produsaun and edukasaun finanseira. Programa ida ne’e nia objetivu atu redus kiak no promove patrimoniu kultural, servisu ho feto sira hodi mellora sira nia abilidade produs testeis no artezenatos sira, hodi hasa’e valor iha merkadu nasional no internasional liu husi utilizasaun algodaun lokal no aihoris natural. Programa ida ne’e kompostu husi staff nasioal sira ne’ebe iha abilidade hodi akonsella grupu feto sira liu husi kontrolu kualidade, seguransa, business skill, marketing no fair trade practice. Programa ida ne’e halo parseiria ho NGO lokal no nasional sira no parseriu bilateral sira ho objetivu hasa’e rendimentu sustentavel ba feto no sira nia familia.