I. Introdusaun

Asosiasaun Esperansa Feto ho Defesiénsia (AEFD), nudar asosiasaun nasional foun ida ne’ebé mak hamrik independente hodi tau matan ba feto no labarik-feto ho defisiénsia iha Timor-Leste. Asosiasaun funda husi feto ho defisiente nain 10 no funda iha loron 1 fulan outurbru 2020.

Asosiasaun ne’e harii nudar sosiedade sivil, ne’ebé luta hodi empodera sira nia direitu atu eleva partisipasaun ne’ebé balansu hodi haktuir ba baze ida igual no inkluzasaun. Asosiasaun ne’e registu ona iha FONGTIL ho nú.: 62/DNRN-DGSRN/MJ/XII/2021.

Objetivu AEFD nian atu kombate aktu deskriminativu no violénsia hasoru feto no labarik-feto ho defisiénsia hodi empodera sira nia direitu iha partisipasaun nudar sidadaun ne’ebé haktuir konseitu igualdade no inklusaun.

II. Vizaun no Misaun oranizasaun

Asosiasaun ne’be harii ho vizaun no misaun tuir mai:

Vizaun

Feto no Labarik ho defisiénsia Livre husi aktu diskriminasaun no violasaun, no hodi la fó injustisa atu haforsa abilidade iha seitor hotu-hotu hodi goza direitu hanesan ho ema seluk ne’ebé la ho defisiénsia hetan tratamentu ne’ebé dignu no garante ba konsidaun Timor-Leste.

Misaun

AEFD atu halo advokasia no fó asistensia ba vitima sira no dezenvolve sira nia fisiku, mental no psikolojia atu sira mos bele auto estima no reintegrasaun ba nesesidade.

III. Programa (Deskrisaun servisu no produtu ne’ebe oferese)

Hanesan organizasaun nao governamental ne’ebe sei foun hela, AEFD nian program aba tinan 5 tuir maim aka sei foka liu ba area importante hat hanesan:

1. Halo advokasia

2. Fo Asistensia ba Feto no Labarik-feto

3. Kapasita Membru

4. Hari’i Koperativa