PROFILE ORGANIZASAUN UFD

Tuir roda pubreza ne'ebe lao dadaun iha Timor-Leste hetan kauza pubreza ne'ebe as liu iha parte Komunidade feto iha area rurais ne'ebe la hetan oportunidade atu dezenvolve sira nia kapasidade iha rekursu umanu nudar obtaklu ba sira nia esperansa hodi partesipa iha eventu dezenvolvimento Nasional.

Tan ne’e, Grupu feto ne'ebe hanaran organizasaun Unidade Feto ba Dezenvolvimento (UFD) hari’i iha dia 7 Fevereiru 2008 iha Distrito Baucau ho fundador nain tolu ho nia objetivo atu fasilita feto maluk sira liu husi kapasitasaun, Agrikultur, Advocasia no Infraestrutura dezenvolve ba komunidade nia nesesidade ne'ebe sustentavel.

Atu dudu partisipasaun feto iha area Dezenvolvimento ne'ebe fo korazen ba kresimentu ekonomika iha vida moris lor-loron, no hadia-an ba konpetisaun iha kontestu desizaun politika, ekonomia, sosial no Kultura iha nasaun Timor Leste. Ho ida ne’e ami Grupo Feto ne'ebe hamahan-an iha NGO Unidade Feto ba Dezenvolvementu hakarak servisu hamutuk ho Governu Timor-Leste atu hala’o dezenvolvementu iha nasaun ida ne’e.

Visaun A.UFD

Komunidade moris diak no Sustentabel iha area agrikultura, infraestrutura, Edukasaun, saude, asesu ba justisa no advokasia.

Misaun A.UFD

1. Haberan kapasitasaun feto maluk sira iha area rural.

2. Hasae produsaun agrikola.

3. Faselita komunidade benifisiariu atu asesu ba merkadu

4. Hasae koinesementu kona ba saude hijeni ka ba komunidade.

5. Hasae koinesementu kona ba advokasia ba infraestrutura.

6. Faselita komunidade atu asesu ba edukasaun no Justisa.

Objetivu

Forma rekursus Umanus ne’ebe perparadu no sustentabel iha nivel feto no mane no Involve inan feton sira iha prosesu dezenvolvimentu ba rekursu umanus iha aspeitu hotu.

Programa

· Advokasia

· Kapasitasun no edukasaun non – formal

· Agrikultura

· Infraestrutura