I. ISTORIA BADAK ORGANIZASAUN LEDAK

LEDAK nudar organizasaun naun-governamental, inisiu harii hanesan grupu kiik ho ema joven nain 10 ne’ebe hala'o servisu voluntariu iha tinan 2010 ho hala'o atividade capacity building.

Iha tinan 2013, LEDAK ofisialmente hetan Legalidade husi Ministerio Justisa, registradu ho numeru 180/DNRN – MJ /I/2013, alende ne'e LEDAK mos hanesan membru husi organizasaun Rede Feto Timor-Leste.

Objetivu hari organizasaun ne’e atu fo mahon ba aktividade ne'ebe ami implementa maka hanesan organiza komunidade hala’o re-floretasaun ba be'e matan, ami mos halo viveros, produs aduvos organiku, distribui ai-oan, no oferese formasaun kona-ba saneamento baze ho programa kutura.

Maske ami nia organizasaun ne’e ki’ik tanba foin iha parseiro maibe ami iha komitmentu bo'ot atu lori povu sai hosi kiak no mukit liu hosi dezenvolve sistema agrikultura tradisional ba modernu, agro-floresta, BeSI, no Cultura hodi kontribui ba dezenbolvementu Nasional.

II. VIZAUN NO MISAUN

LEDAK harii ho vizaun no misaun hanesan :

Vizaun

Atu valoriza komunidade hodi sees-an husi ki'ak no mukit tenki sai sasukat ba dezemvolvimentu hodi hadia moris ba Futuru atu partisipa iha dezemvolvimentu.

Misaun

1. Kria servisu hamutuk hodi servi ba komunidade liu husi desentralizasaun no poder lokal;

2. Fo tulun ba komunidade liu husi sira nia halerik iha setor Agrikultura, Advokasia, no ba setor hotu hodi servi ba komunidade nia moris atu partisipa iha dezemvolvimentu;

3. Habelar formasaun no kapasitasaun liu husi setor ida-idak hanesan Edukasaun, Saude, Agrikultura, Desportu, Ekonomia, no politika publiku.

III. PROGRAMA

NGO LEDAK iha programa hat (4) mak hanesan:

1. Agrikultura

2. Saude

3. DRR

4. Kapasitasaun

AKTIVIDADE NGO LEDAK