I. Istoria badak Organizasaun HAFOTI

HAFOTI (Hamahon Feto Timor) hanesan organizasaun lokal nao-lukratiku, ne’ebé dedikada kapasita feto rurais iha Timor-Leste. liu husi oferese treinamentu, rekursu no fó apoiu, HAFOTI ajuda feto sira atu alkansa independénsia ekonómia no mellora kualidade moris.

HAFOTI servisu ho fero rural sira iha munisípiu 9 iha Timor-Leste: Aileu, atauro, Baucau, Bobonaro, Dili, Likisa, Manufahi, Viqueque no Oecusse. Harii iha tinan 2002, HAFOTI hakarak hakbiit feto sira ekonomikamente liu husi programa no inisiativa oin-oin.

HAFOTI agora iha membru maizu-menus 1027, grupu 62 no benefisiáriu 2500. Membru HAFOTI mak feto sira ne’ebé hala’o negósiu ki’ik no produs sasán ne’ebé fa’an iha distritu no iha Dili laran. Organizasaun ne'e apoia feto sira-ne'e liuhosi fornese formasaun iha dezenvolvimentu produtu no abilidade sira negósiu ki'ik nian, no mós ajuda ho marketing no distribuisaun.

II. Vizaun no Misaun HAFOTI nian

Vizaun :

1. Organiza no haforsa instituisaun organizasaun feto.

2. Treina no hasa’e abilidade no kapasidade inan feton.

3. Hametin relasaun servisu hamutuk ho governo, organizasaun nasionál no internasionál rua-ne’e hotu no mós komunidade nu’udar parseiru servisu nian.

Misaun :

Melloramentu ba moris di’ak povu Timor Leste nian en jerál no espesialmente feto sira hodi realiza vida sosíal ida ne’ebé justu no prósperu, respeita malu nu’udar kriasaun Maromak nian ne’ebé iha direitu no dignidade ne’ebé maka iguál.

III. Objetivu no Apoiu

Objetivu prinsipál husi HAFOTI maka atu apoia nia membru sira liuhosi dezenvolvimentu produtu no formasaun abilidade negósiu ki'ik sira. Membru sira serbisu iha grupu ka individualmente hodi produz sasán sira uza materiál sira ne'ebé hetan iha fatin lokál.

HAFOTI mós jere fundu kréditu rotativa ida iha-ne'ebé membru sira bele aplika ba empréstimu ki'ik sira hodi ajuda hahú sira nia negósiu.

IV. Estrutura Organizasaun nian

HAFOTI iha ekipa ki’ik ida ne’ebé baze iha Dili no pesoál terenu ne’ebé servisu iha kada munisípiu neen ne’e. Organizasaun ne’e lidera hosi konsellu membru ne’ebé eleitu no hetan apoiu hosi asesór timoroan no organizasaun sira seluk, inklui Servisu Voluntáriu iha Estranjeiru (Nova Zelándia). Funsionáriu atuál sira inklui Diretór, Ofisiál Marketing, Ofisiál Kréditu Rotativa, Ofisiál Administrasaun, no Ofisiál Finansas.

V. Produtu no Distribuisaun

Programa formasaun HAFOTI ajuda feto sira atu aprende halo produtu ne’ebé sira bele fa’an iha sira nia aldeia no distritu nia laran. Membru sira mós fornese produtu hirak ne’e ba HAFOTI hodi distribui ba supermerkadu sira iha Dili laran no fa’an liu husi loja PROLOFET. Produtu atuál sira inklui mina-nuu virjen, ai-banana, ai-farina, kiri-kiri (snack fritu), taro, pimenta-mutin, pimenta-metan, pimenta-mutin, no masin.

Grupu balu mós halo sasán artezanatu sira hanesan kose, tais (hena tesi tradisionál), no sasán tesi nian inklui raga, xapeu, no fan. Produtu sira entrega mai Dili fulan ida dala ida ka koleta husi pesoál sira durante vizita monitorizasaun.

VI. Programa xave sira

Dadaun ne’e, HAFOTI nia programa prinsipál sira halo parte iha Projetu He Oranga Taurikura / Thriving Life, ne’ebé finansia husi Programa Ajuda Komérsiu Negósiu Estranjeiru Nova Zelándia no Caritas Aotearoa Nova Zelándia. Programa sira-ne'e inklui:

1. Hortikultura: Apoia feto sira iha agrikultura no kultivasaun ai-horis lokál.

2. Poupansa no Empréstimu sira: Ajuda membru sira jere finansas no fornese asesu ba empréstimu ki'ik sira.

3. Produtu Lokál sira: Dezenvolve no komersializa produtu lokál sira hanesan mina-nu'u virjen (VCO), bani-been, pimenta-mutin, pimenta-metan, masin, ai-banana, ai-farina, no kiri-kiri.

Programa treinamentu HAFOTI dezeña atu ajuda feto sira ne’ebé serbisu iha grupu aprende atu halo produtu ne’ebé sira bele fa’an, liuliu iha sira-nia aldeia no distritu laran, uza materiál sira ne’ebé hetan iha lokál. Programa idane'e mós fornese ba sira abilidade báziku negósiu nian.

VII. HAFOTI nia Parseiru sira

HAFOTI nia parseiru sira maka:

1. Alola Foundation IADE

2. Caritas Australia

3. Embaisada Nova Zelandia Embaisada Australia

4. Ministerio Turismo Comersiu Industria

5. Rede Feto Timor-Leste

6. Volunteer Service Abroad (VSA)

7. Sekretariu Estado Iguladade

8. Inkluzaun Ministerio Agrikultura