Fatin ida-ne'ebé seguru ba feto sira mak importante tebes, hodi asegura sira-nia asesu ba direitu fundamentál, informasaun no servisu. aliña ho Planu Asaun Nasional ba Violensia Bazeia ba Jéneru iha Timor-Leste 2022-2032, Programa Konjunta Hamutuk ba Igualdade (T4E), ne'ebé implementa husi UN Women, UNDP, UNFPA, no IOM, ho objetivu atu prevene no responde ba Violensia Bazeia ba Jeneru liuhusi kria fatin públiku ne'ebé seguru ba feto sira.

Auditoria Seguransa Feto (ASF), instrumentu ida-ne'ebé dezenvolve ona iha Kanada no refinadu/hadi’a husi UN HABITAT, nu'udar instrumentu atu identifika fatór sira ne'ebé bele hamosu no aumentu violénsia hasoru feto no labarik-feto sira (VKFLF) no fó rekomendasaun atu hasa'e seguransa ba fatin públiku sira.

Hanesan parte husi programa T4E ne'ebé implementa husi Rede Feto Timor-Leste no nia membru implementador sira (UFD Baucau, Esperança, FKSH no MANEO), sei halo auditoria ba fatin públiku 16 no instituisaun públiku 8 iha munisípiu haat ho instrumentu ASF nian.

Inisiativa ida-ne'e, ne'ebé fasilita husi Rede Feto ho apoiu tékniku husi UN Women no apoiu finanseiru husi KOICA, ninia objetivu mak atu avalia no propoin rekomendasaun sira atu hadi'a seguransa, inkluzividade no asesibilidade iha fatin públiku ba feto sira.

https://drive.google.com/file/d/1FK4AiRfwqogY3zovdjXj8SHP7DDLtHUe/view?usp=drive_link